აპარტამენტების ძებნა გრასეში

სასტიმროები გრასეში რუკაზე

ლაჟვარდოვან სანაპიროზე საფრანგეთში, რომელმაც სახელი გაითქვა ზუსკინდის ცნობილი რომანის მიხედვით, მაგრამ მანამდე, კიდევ უფრო დიდი ხნის წინ – თავისი განუმეორებელი პარფიუმერული ინდუსტრიით.

ნაწარმოებში ავტორი მკაფიოდ მიანიშნებს გრასის მთავარ «განძზე»  — მის აყავებულ მდელოზე, რომელიც იძლევა უშრეტ რესურსს დახვეწილი სუნამოების წარმოებისთვის — უხსოვარი დროიდან   «ქალაქი ფლობდა  დიდ არომატულ თასს, რომელიც მის ფერხთით აფრქვევდა სურნელებას».

გრასი — არის ხმელთაშუა ზღვის მყუდრო ქალაქი, რომელიც წარმოადგენს ღირსშესანიშნაობას თავის თავში. ის მყუდროდ განლაგდა  თვალწარმტაც პროვანსულ ბორცვებზე, მუჟენის ცოტა ჩრდილოეთით, ფაქტიურად ზღვიდან ოდნავ დაშორებით,16 კილომეტრში კანიდან ჩრდილო-დასავლეთით. გრასში უყვარდა დასვენება თავად დედოფალ ვიქტორიას, რომლის თაობაზე ამბობენ, რომ მას უბრალოდ მოსწონდა ამ ქალაქში ყველგან გამეფებული აყვავებული მცენარეების სურნელი.

პარფიუმერული წარმოება გრასში უძველესი დროიდან მოცულია მისტიური საიდუმლოებით, ალქიმიით,რომელიც თანდათან ყვავილის სიცოცხლის  ენერგიას აქცევს არომატულ და ჯადოსნურ ესენციად . გრასში სუნამოების შექმნის საიდუმლოს ეძღვნება ოცდაათზე მეტი ოფიციალური საწარმო. აქ «მოიპოვება» უნიკალური სუნამოები და ესენციები, რომლებიც შემდეგ მიდის გასაყიდად ცნობილ ბრენდებთან, როგორიც არის  Dior, Lancôme და Estee Lauder, ხოლო ეს უკანასკნელნი ახდენენ მათ ინტერპრეტაციას საკუთარი ნიშნის სუნამოებში. საინტერესოა, რომ ერთი ლიტრი სუფთა ვარდისფერი გაუზავებელი სითხის ღირებულებაა  19 ათასი ევრო.

ყოველ ჩამოსულს გრასში შეუძლია თავად მიიღოს მონაწილეობა სუნამოების შექმნაში და ეწვიოს მრავალრიცხოვან საგამოფენო დარბაზებს, არსებულს  ფაბრიკებთან — ფრაგონარი (ფრ. Parfumerie Fragonard), გალიმარი (ფრ. Parfumerie Galimard) ან მოლინარი (ფრ. Parfumerie Molinard).

Музей истории и искусства Прованса


ისტორიული გრასი

საინტერესოა, რომ თავის მსოფლიო დიდებას სუნამოების დედაქალაქის სახით გრასი უნდა უმადლოდეს ისტორიულად შექმნილ გარემოებებს. ამბობენ, რომ შუა საუკუნებში ქალაქში იყო ბევრი ტყავზე მომუშავე სახელოსნოები, საიდანაც არასასიამოვნო სუნი გამოდიოდა.იმისთვის რომ მისი დახშობა მომხდარიყო, ადგილობრივმა მაცხოვრებლებმა დაიწყეს ყვავილების დარგვა,აწყობდნენ მთელს ყვავილნარებსა და პლანტაციებს,რომლებმაც შემდეგ შეუქმნეს საფუძველი აქ პარფიუმერიის განვითარებას.

თავდაპირველად კი გრასი ითვლებოდა  «ეკლესიურ» ქალაქად და წარმოადგენდა ეპისკოპოს ანტიბის მუდმივ ადგილსამყოფელს. დასახლება დაფუძნდა ჯერ კიდევ XI საუკუნეში.

საკუთარი მმართველობის დროს ნაპოლეონ ბონაპარტემ მოახდინა თავისი ჯარის გადმოსმა  გოლფ-ჟუანის უბეში, გრასიდან თხუთმეტი კილომეტრის დაშორებით, და თავისი მცირე არმიით გაემართა პარიზისკენ. ამ უდიდესი ფრანგი იმპერატორის გზას მოგვიანებით დაერქმევა მისი სახელი.

Благоухающий Грас

გრასის ძირითადი კულტურული ძეგლები თავმოყრილია ძველი ქალაქის რაიონში (ფრ. Vieux Grasse), რომელმაც მიუხედავად ტურისტებისთვის განკუთვნილი მრავალი თანამედროვე რესტორნის, კაფეების და მაღაზიებისა  შეინარჩუნა სიძველის მომხიბვლელობა და რაღაც სოფლისმაგვარი თავმდაბალი ატმოსფერო, შენობებს შორის გაყვანილი ტანსაცმლის საშრობი მოწყობილობებით. ადგილობრივი მაცხოვრებლები ამბობენ იმის შესახებ, რომ აქ ყველა ერთმანეთს იცნობს სახეზე და ამით ქალაქი ძალიან მოგაგონებთ ნამდვილ სოფელს.

ასეთია გრასი ზამთარში, როდესაც მას თავს  არ  «ესხმიან» ხმაურიან ტურისტთა ჯგუფები — წყნარი, პროვინციული და მყუდრო.

გრასში ცენტრალურ და სახასიათო ადგილს წარმოადგენს  მოედანი -ერ (ფრ. Place aux Aires). აქ ყოველ დღე შეიძლება ეწვიოთ ბაზარს, რომელიც უხსოვარი დროიდან მუშაობს — კეთილმოსურნე ვაჭრები გთავაზობენ  ბოსტნეულს, ხილს და  ყვავილებს. თუ თქვენ ხართ ცნობილი ოტელის   Hôtel Isnard სტუმარი, თქვენ შეძლებთ დააკვირდეთ გაჩაღებულ  «ჭყლეტას» ბაზარში პირდაპირ მოაჯირიანი აივნიდან (№ 33), რომელიც გადაჰყურებს ზუსტად ბაზრის მხარეს.

ქალაქის ძველებური ნაწილის მიღმა მდებარეობს მეფური ტაძარი ნოტრ-დამ-დუ-პუი (Notre-Dame-du-Puy), რომელიც  აშენებული  იყო XII საუკუნეში. ის სათუთად ინახავს თავის საფარქვეშ რუბენსისა და ლუი ბრეას ნამუშევრებს.

ნოტრ-დამის გვერდით შეიძლება ნახოთ მეორე არქიტექტურული ძეგლი— ეს ეპისკოპოსის სასახლეა.

განსაკუთრებულ ყურადღებას იმსახურებს პროვანსის ხელოვნებისა და ისტორიის მუზეუმი (Musée d’Art et d’Histoire de Provence). მისი პირველი მფლობელი და იდეის დამფუძნებელი გახდა  მირაბოს და, რომელიც ძალიან ხშირად ახდენდა მომავალ მუზეუმში  ცნობილი მდიდრული საზოგადოების თავშეყრებს. დღეს აქ წარმოდგენილია მდიდრული კოლექცია ძველებური ბეჭდების,გულსაბნევების, ძეწკვებისა და საყურეების, სასადილო სერვიზების, და ასევე მთელი სამზარეულო XVIII საუკუნიდან.

სხვა არანაკლებად საინტერესო სამუზეუმო «ექსპონატებიდან» შეიძლება გამოიყოს  კალის  ბიდე (მცირე აბაზანა) და მირაბოს ნიღაბი, რომელიც აღებულ იქნა მისი სახიდან გარდაცვალების შემდეგ.

გრასის სხვა ცნობილი ისტორიული ძეგლი — პარფიუმერიის საერთაშორისო მუზეუმი (ფრ. Musée International de la Parfumerie). რა თქმა უნდა აქ ინახება პარფიუმერიის ყველაზე დახვეწილი არომატები და  ეგზემპლარები, რომლებსაც იყენებდნენ ჯერ კიდევ ძველ საბერძნეთში.

Благоухающий Грас


ქალაქი, რომელშიც გვსურს დაბრუნება

გრასის მოსახლეობის რიცხვი აღწევს დაახლოებით ორმოცდაათი ათას ადამიანს. მაგრამ ყოველწლიურად ქალაქის მაცხოვრებელთა რაოდენობა ორმაგდება. ტურისტთა უდიდეს რიცხვს სურს გასეირნება ქვით მოპირკეთებულ ძველი ქალაქის ქუჩებზე და მის მიდამოებში, სადაც ყვავილებისა და ბაღების არომატი ტრიალებს.

გრასის ტერიტორიის კლიმატი იდეალურად უხდება დასვენებას — ზაფხული ცხელია და ნალექები ძალიან ცოტა. ამ ადგილის უნიკალურობა ხომ იმაშია, რომ მისი ჰაერი გაჯერებულია ყვავილების სურნელით —  ოქროსფერი მიმოზის, ვარდების პლანტაციის, ჟასმინის მათრობელა არომატითა, და ასევე ლავანდის სურნელებით.

გრასი ლაჟვარდოვან სანაპიროზე საფრანგეთში — ეს არის ქალაქი, რომელიც იზიდავს და აჯადოებს თავისი ბუნების სილამაზით, ეს არის ადგილი, სადაც გსურთ, რომ  დაბრუნდეთ.